ئێوارەی ئەمڕۆ پێنجشەممە 22-9-2016 خاتوو ئورسولا ڤۆن دیر لیان وەزیری بەرگریی ئەڵمانیا و شاندێكی دیپلۆماسی و سەربازیی یاوەری لە ڕێگەی فڕۆكەخانەی نێودەوڵەتی هەولێرەوە گەیشتنە هەرێمی كوردستان و لەلایەن بەڕێز نێچیرڤان بارزانی سەرۆك وەزیرانی هەرێمی كوردستانەوە پێشوازیان لێ كرا.
بڕیارە لەم سەردانەیدا خاتوو لیان دیدار و كۆبوونەوەی جیا لەگەڵ هەریەك لە بەرێزان مەسعود بارزانی سەرۆكی هەرێمی كوردستان و نێچیرڤان بارزانی سەرۆك وەزیرانی هەرێمی كوردستان و بەرپرسانی دیكەی حكوومەتی هەرێم ئەنجام بدات. لە دیدار و كۆبوونەوەكانیدا چەندین تەوەر سەبارەت بە ڕەوشی ناوچەكە و شەڕی دژی تیرۆر و چەندین بابەتی دیكە لەگەڵ بەرپرسانی هەرێمی كوردستان تاوتوێ دەكات.