له‌ په‌یامێكدا حكوومه‌تى هه‌رێمى كوردستان سه‌ركۆنه‌ى هێرشه تاوانكارییه‌كه‌ى ئه‌مڕۆى شارى لاس ڤێگاسى ئه‌مه‌ریكى كرد، ئه‌مه‌ ده‌قه‌كه‌یه‌تى:

به‌ توندى سه‌ركۆنه‌ى ئه‌و تاوانكارییه‌ دڕاندانه‌یه‌ ده‌كه‌ین كه‌ ئه‌مڕۆ دووشه‌ممه‌ 2/10/2017 كۆنسێرتێكى هونه‌رى له‌ شارى لاس ڤێگاسى ئه‌مه‌ریكى كرده‌ ئامانج و له‌ ئه‌نجامى ده‌ستڕێژیى گولله‌دا، زیاتر له‌ په‌نجا هاووڵاتى گیانیان له‌ ده‌ست دا و به‌ ده‌یانى دیكه‌ش بریندرا بوون. سه‌ره‌خۆشى و هاوسۆزى له‌گه‌ڵ كه‌سوكارى قوربانیان و گه‌ل و حكوومه‌تى ئه‌مه‌ریكا ده‌رده‌بڕین و هاوخه‌میانین، هیواى زوو چاكبوونه‌وه‌ بۆ برینداران ده‌خوازین.

ئه‌نجومه‌نى وه‌زیرانى هه‌رێمى كوردستان

2/10/2017