حکومەتی هەرێمی كوردستان
MON, 10 DEC 2018 07:45 Erbil, GMT +3

نێچیرڤان بارزانی له‌گه‌ڵ شاندێكی پزیشكانی خۆبه‌خشی ئه‌مه‌ریكی كۆده‌بێته‌وه‌

SUN, 18 NOV 2018 16:04 | KRG Cabinet

پێشنیوه‌ڕۆی ئه‌مڕۆ یه‌كشه‌ممه‌ 18/11/2018 به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ شاندێكی ڕێكخراوی GSMSGى ئه‌مه‌ریكیی خۆبه‌ش كرد كه‌ له‌ ژماره‌یه‌ك پزیشكی پسپۆڕ و نه‌شته‌رگه‌ر پێكهاتبوو و هه‌فته‌یه‌كه‌ له‌ كه‌مپه‌كانی ئاواره‌ و په‌نابه‌ران خزمه‌تگوزاریی ته‌ندروستی پێشكه‌ش ده‌كه‌ن.

شاندی میوان پوخته‌یه‌كی كار و پرۆژه‌كه‌یان له‌ هه‌رێمی كوردستان خسته‌ ڕوو و ڕۆڵى خه‌ڵكى كوردستانیان له‌ ڕووبه‌ڕووبوونه‌وه‌ی داعش و حه‌واندنه‌وه‌ی ژماره‌یه‌كی زۆری ئاواره‌ و په‌نابه‌ران و ئارامی و پێكه‌وه‌ژیان به‌ جێگه‌ی ڕێز و پێزانین قبووڵ كرد، بۆیه‌ به ‌باشیان زانیوه‌ بێن له‌ بواری پزیشكیدا خزمه‌ت پێشكه‌ش بكه‌ن.

لای خۆیه‌وه‌ به‌ڕێز نێچیرڤان بارزانی وێراى ده‌ستخۆشى بۆ كارى مرۆییان، سوپاسی كردن و هیوای خواست له‌ كاره‌كانیان به‌رده‌وام بن و پشتگیریى حكوومه‌تی هه‌رێمی كوردستانی بۆ پرۆژه‌كانیان دووپات كرده‌وه.
 



بابه‌ته په‌یوه‌ندیداره‌کان