Hikûmeta Herêma Kurdistanê
FRI, 25 MAY 2018 06:20 Erbil, GMT +3

Swêd piştevaniya mafên destûriyên Herêma Kurdistanê dike

THU, 25 JAN 2018 22:24 | KRG Cabinet

Nêçîrvan Barzanî Serokwezîrê Herêma Kurdistanê, roja 25.01.2018ê li bajarê Davosê li Swîsreyê, digel Isabella Lövin Cîgira Serokwezîrê Swêdê civiya û têkeliyên Kurdistan û Swêdê nirxandin û ji bona wê hevkarî û piştevaniya bi Herêma Kurdistanê re dikin,  serowkezîr sipasiya gel û hikûmeta Swêdê kir û hêvî xwest ew piştevanî berdewam be û zêdetir berfireh bibe.

Nêçîrvan Barzanî ji Cîgira Serokwezîrê Swêdê re behsa pêşhatên dawiyê di navbera Hewlê û Bexdayê, encamên serdana dawiyê bo Bexdayê kir û tekîd li ser çareserkirina pirsgirêkan bi rêya diyalog û li gor destûra Îraqê kir. Li dor şikandina DAÎŞê û qonaxa piştî wê, Barzanî got ku  jinavbirina DAÎŞê bi tenê  ji aliyê leşkerî ve çareser nîne û pirsgirêkan pêwîstî bi çareseriya siyasî heye.
Serowkezîr behsa rewşa koçber û penaberan li Herêma Kurdistanê kir ku bandoreke mezin kiriye ser têkçûna rewşa êkonomî û warên din li Herêma Kurdistanê.

Isabella Lövin silavên serokwezîrê Swêdê gihandin Nêçîrvan Barzanî û tekîd kir ku welatê wê digel Herêma Kurdistanê hevfikire ku divê pirsgirêkên digel Bexdayê bi diyalog û li gor destûra Îraqê çareser bibin û got ku, Swêd piştevaniya  mafên destûriyên Herêma Kurdistanê dike.

Lövin behsa hewilên Swêdê li Neteweyên Yekgirtî û Yekêtiya Ewropayê ji bo serxistina diyalog å biaşitî çareserkirina arîşeyên navbera Hewlê û Bexdayê û Swêd li ser meşîq û rahînana pêşmerge û hevkariyên mirovî/ însanî ji bo Herêma Kurdistanê berdewam dibe.

Beşdariya Herêma Kurdistanê di konferensa avadankirina Îraqê ku biryare li Kuwêtê bê sazkirin, û bilindkirina asta nûneratiya Swêdê li Herêma Kurdistanê mijarên din yên civînê bûn.

Di civînê ji aliyê Herêma Kurdistanê ve, Fuad Hisên serokê dîwana serokatiya Herêma Kurdistanê û Felah Mistefa berpirsê têkeliyên derve yê hikûmeta Herêma Kurdistanê amade bûn.