د په‌یامه‌كێدا جڤاتا وه‌زیران یا هه‌رێما كوردستانێ، جه‌ژنا ڕۆژى یێن ئێزدى یا خوشك و برایێن ئێزدى پیرۆز كر، ئه‌ڤه ده‌قا وێیه:
جه‌ژنا ڕۆژى یێن ئێزى ل خوشك برایێن ئێزدى ل كوردستانێ و ل هه‌ر ده‌ره‌كا جیهانێ بن پیرۆز دكه‌ین، هیڤیدارین جه‌ژنه‌كا ئارام ده‌رباز بكه‌ن. د ڤێ جه‌ژنێدا ئه‌م جاره‌كا دى هه‌مى وان خوشك و برایێن مه یێن ئێزدى ب بیر تینین، یێن كو وه‌كى هه‌مى پێكهاتێن دى یێن نه‌ته‌وه‌یى و ئۆلى ل كوردستانێ، ژ ئه‌نجاما تاوان و كارێن تیرۆرستى، بوونه قوربانى.
هیڤیدارین خوشك و برایێن مه یێن ئێزدى كو هه‌تا نهۆ ژى هه‌ژماره‌كه مه‌زنا وان د كه‌مپێن ئاواره‌ییێدانه، جه‌ژن و هه‌لكه‌فتنێن خۆ یێن بهێن، سه‌فراز و ئازاد ڤه‌گه‌ڕیابنه ده‌ڤه‌رێن خوه یێن ئازاد و ئاڤه‌دانكرى و هه‌مى كوردستانى جه‌ژن و هه‌لكه‌فتنێن خوه یێن بهێن، د خۆشى و ئارامیێدا پیرۆز بكه‌ن.
جاره‌كا دى جه‌ژنا ئێزى ل هه‌مى ئێزدییان پیرۆز بیت، هه‌ر سال ب خێر و خۆشى.
جڤاتا وه‌زیران یا هه‌رێما كوردستانێ
14/12/2017