به‌بۆنه‌ى هاتنه‌وه‌ى جه‌ژنى جه‌ماى ئێزدییان، ئه‌نجومه‌نى وه‌زیرانى هه‌رێمى كوردستان پیرۆزبایى له خوشك و برایانى ئێزدى كرد، ئه‌مه ده‌قه‌كه‌یه‌تى:
جه‌ژنا جه‌مایێ ل هه‌مى خوشك برایێت ئێزدى ل كوردستانێ، ده‌رڤه‌یى وه‌لات و ل هه‌ر جهه‌كێ جیهانێ هه‌بن، پیرۆز دكه‌ین. هیڤیدارین جه‌ژنه‌كا خۆ‌ش و ئارام ده‌رباز بكه‌ن.
جه‌ژن دیسا ده‌مه‌كێ ڤه‌دگه‌ریت كو هێشتا ب ده‌هان هزار خوشك و برایێت ئێزدى د كه‌مپێت ئاواره‌ییێدانه و چاڤه‌ڕێنه ڤه‌گه‌ڕنه سه‌ر مال و جهێت خۆ، هه‌روه‌سا ب هزاران ژى هێشتا وندانه و چاره‌نڤیسێ وان نه‌دیاره. ئه‌م هه‌مى قوربانییێت ئێزدى ب بیر تینین، هیڤیدارین جه‌ژن و بیرهاتنێت داهاتى هه‌مى ئازاد و سه‌رفراز ڤه‌گه‌ڕیا بن سه‌ر مال و جهێت خۆیێت ئاڤه‌دانكرى.
حكوومه‌تا هه‌رێما كوردستانێ ب هه‌مى شیانێت خۆ دێ لسه‌ر هاریكاریا ئێزدییان و ڤه‌گه‌ڕاندنا وان بۆ سه‌ر وار و جهێت وان به‌رده‌وام بیت. جاره‌كا دى جه‌ژنا جه‌مایێ ل هه‌میان پیرۆز بیت.
جڤاتا وه‌زیران یا هه‌رێما كوردستانێ
5/10/2018