Hikûmeta Herêma Kurdistanê
MON, 10 DEC 2018 07:33 Erbil, GMT +3

Serokwezîr pêşwaziyê li şandeyeke Brîtanyayê dike

THU, 29 NOV 2018 23:20 | KRG Cabinet

Nêçîrvan Barzanî Serokwezîrê Herêma Kurdistanê, roja pêncşemê 29.11.2018ê li bajarê Hewlêrê, pêşwazî li Şandiya taybetiya Serokwezîra Brîtanyayê ji bo karûbarên bazirganiya derve, Balyozê Brîtanya li Îraqê û Konsulê giştiyê wî welatî li Herêma Kurdistanê û şandeya bi wan re kir.

Şandeya Brîtanyayê kêfxweşiya xwe li hember pêşkeftinên Herêma Kurdistanê, bi taybetî piştî derbas bûn ji rewşeke dijwar, nîşan da. Diyaloga navbera Hewlê û Bexdayê û çareserkirina beşek ji pirsgirêkên navbera her du aliyan bi gavên erênî wesif kirin.

Şandeya mêvan berheviya welatê xwe nîşan da ku sermayedar û bazirganên welatê xwe han bide berê xwe bidin Herêma Kurdistanê û beşdariyê di pêşvebirina aboriya Îraq û Herêma Kurdistanê de bikin û sektorên cudayên Herêma Kurdistanê modern bikin.

Nêçîrvan Barzanî sipasiya hevkarî û alîkariyên Brîtanya yên di warê mirovî û leşkerî de pêşkeşî Herêma Kurdistanê dike, kir.

Serowkezîr behsa têkeliyên Hewlêr û Bexdayê kir û got ku Herêma Kurdistanê piştgiriyê li hikûmeta Adil Ebdulmehdî dike û hewil dide hikûmeteke serkeftî be û bikaribe aramiya aborî, siyasî û emnî li tevaya Îraqê biparêze  û Herêma Kurdistanê jî, mifawergirtin ji wê aramiyê, li ser baştirkirina têkeliyên bi Bexdayê re berdewam dibe.