Kurdistan Regional Government


 

كلچدارئۆغلو سه‌ره‌خۆشى له‌ نێچیرڤان بارزانى ده‌كات

به‌ڕێز كه‌مال كلچدارئۆغلو، سه‌رۆكى گشتیى پارتى گه‌لى كۆماریى توركیا (CHP) له‌ په‌یوه‌ندییه‌كى ته‌له‌فۆنیدا له‌گه‌ڵ به‌ڕێز نێچیرڤان بارزانى، بۆ كۆچى دواییى خوالێخۆشبوو دلۆڤان ئیدریس بارزانى ـ ى برایان، سه‌ره‌خۆشى له‌ به‌ڕێزیان كرد.

به‌ڕێز كلچدارئۆغلو ئه‌مڕۆ پێنجشه‌ممه‌ 12/4/2018 له‌ په‌یوندییه‌ ته‌له‌فۆنییه‌كه‌یدا، هه‌روه‌ها هاوده‌ردى و هاوخه‌میى خۆى له‌گه‌ڵ به‌ڕێز نێچیرڤان بارزانى و خانه‌واده‌ى بارزانى ده‌ربڕى و هیواى خواست ئه‌مه‌ دوایین خه‌م و كۆستیان بێت و خواى گه‌وره‌ خوالێخۆشبوو به‌ به‌هه‌شت شاد بكات.

لاى خۆیه‌وه‌ به‌ڕێز نێچیرڤان بارزانى بۆ ئه‌و په‌یوه‌ندییه‌ و پێشكه‌شكردنى سه‌ره‌خۆشى، سوپاسى به‌ڕێزیانى كرد.