حکومەتی هەرێمی كوردستان
WED, 17 JAN 2018 12:05 Erbil, GMT +3

نیشتەجێبوون و ژێرخان




لە ماوەی دە ساڵی ڕابردوودا، بواری ژێرخان و نیشتەجێبوون لە هەرێمی کوردستان بەرەو پێشچوونێکی بەرچاوی بەخۆیەوە بینیووە. پلاندانان و دابینكردنی سەرمایە و كاری چالاکی هاوڵاتیان کاریگەر بوونە بۆ بنیاتنانی ڕێگاوبان و سیستەمی بەرێوەبردنی ئاوی پاك و بەرەو پێشچوونی زۆر گەورە لە بواری تۆڕی کارەبا و سیستەمی زانیاری وگەیاندنی باشتر و سەردەمیانەتر، وەهەروەها بنیاتنان و ئاوەدانکردنەوەی یەکەی نیشتەجێبوون و باڵاخانە لە سەرانسەری هەرێم.

ژێرخان و نیشتەجێبوون کۆڵەگەی ئابووریەکی تەندروست پێك دێنێت. حکومەتی هەرێمی کوردستان پابەندە بە دابینکردنی سیستەمی بە‌هێزو بەردەوام سەردەمیانە بۆ مسۆگەرکردنی ئاستی بژێوی باشتر بۆ هاوڵاتیان و سەرکەوتنی کاروباری بازرگانی.

بۆ زانیاری زیاتر، هەندێک لە دوایین چالاکیی حکومەتی هەرێمی کوردستان، پەیوەست بە ژێرخان و نیشتەجێبوون، وەهەروەها بەستەری ماڵپەرە پەیوەندیدارەکان، لە خوارەوە ئاماژەیان پێکراوە.





چاڵاکیەکان

وه‌زیرى ده‌ره‌وه‌ى ئه‌مه‌ریكا ڕێكس تیله‌رسن په‌یوه‌ندى به سەرۆک وەزیران‌ نێچیرڤان بارزانییه‌وه‌ ده‌كات

TUE, 16 JAN 2018 14:48

به‌ڕێز تیله‌رسن خۆشحاڵیی خۆی بۆ ئه‌و دیدار و كۆبوونه‌وه‌ بنیاتنه‌رانه‌ ده‌ربڕی كه‌ له‌نێوان شانده‌كانی هه‌رێمی كوردستان و حكوومه‌تی عێراقدا به‌مه‌به‌ستی چاره‌سه‌ركردنی كێشه‌كان ئه‌نجام ده‌درێن، ده‌ستووری عێراقیشی به‌ ڕێگه‌چاره‌ بۆ چاره‌سه‌ركردنی كێشه‌‌كان زانی و ئاماده‌ییی خۆی بۆ پشتگیریكردن له‌ دیالۆگی نێوان هه‌ولێر و به‌غدا نیشان دا. 

به‌ریتانیا داكۆكى له‌ چاره‌سه‌ركردنی كێشه‌كانی هه‌ولێر ـ به‌غدا ده‌كاته‌وه‌

MON, 15 JAN 2018 22:29

له‌ دیدارێكدا باس له‌ دوا پێشهاته‌كان و گفتوگۆكانی هه‌ولێر ـ به‌غدا كرا، به‌تایبه‌تی گفتوگۆی ئه‌و شاندانه‌ی هه‌رێم و حكوومه‌تی فیدرال له‌ به‌غدا و هه‌ولێر. هه‌ردوولا جه‌ختیان له پێویستیی به‌رده‌وامیی ئه‌و گفتوگۆیانه‌ له‌سه‌ر ئاستی جیا كرده‌وه‌ بۆ چاره‌سه‌ركردنی كێشه‌كان و هه‌نگاونان به‌ره‌و دروستكردنی كه‌شێكی گونجاو به‌مه‌به‌ستی گفتوگۆكردن له‌سه‌ر گشت پرسه‌ هه‌ڵواسراوه‌كانی نێوان هه‌ردوولا.

 

پاپا فره‌نسیس پێشوازى له‌ نێچیرڤان بارزانى كرد

FRI, 12 JAN 2018 22:07

له‌ كۆبوونه‌یه‌كى دووقۆڵیدا قه‌داسه‌تى پاپا سوپاسى ئه‌م سه‌ردانه‌ى كرد و خۆشحاڵیى خۆى به‌ دووباره‌ دیدار و كۆبوونه‌وه‌ له‌گه‌ڵ به‌ڕێز نێچیرڤان بارزانى ده‌ربڕى. هه‌روه‌ها سوپاسى حكوومه‌ت و خه‌ڵكى هه‌رێمى كوردستانى كرد بۆ میواندارییان له‌ ئاواره‌كان به‌گشتى و به‌تایبه‌تى كریستیانه‌كان كه‌ له‌ ئه‌نجامى شه‌ڕى تیرۆرستانى داعش و ڕووداوه‌كانى دواتر ئاواره‌ى هه‌رێمى كوردستان بوون.