زیاتر لە چوار ملیار دینار بۆ (٦٨) پڕۆژە لە پارێزگای دھۆک و ئیدارەی سەربەخۆی زاخۆ تەرخان دەکرێت
هەولێر، هەرێمی کوردستان، عێراق (GOV.KRD)- لە چوارچێوەی گرنگیدانی کابینەی نۆیەمی حکومەتی ھەرێمی کوردستان بە پارێزگاکان و ئیدارە سەربەخۆکان، مەسرور بارزانی، سەرۆکی حکومەتی هەرێمی کوردستان، ڕەزامەندی دا لەسەر تەرخان و خەرجکردنی گوژمەی(٤,٣٧٨,٨٧١,٨١٧) دینار بەمەبەستی ئەنجام دانی(٦٨) پڕۆژەی جۆراوجۆری خزمەتگوزاری لە سنوری پارێزگای دهۆک و ئیدارەی سەربەخۆی زاخۆ، گوژمەکە بەشێوەی نەختینەو قۆناغ لەسەر بوودجەی پەرەپێدانی پارێزگای دهۆک خەرجدەکرێت.
فەرمانگەی میدیا و زانیاری
٧ی شوباتی ٢٠٢٢