بڕی ٢٦٢ ملیۆن دینار بۆ چارەسەری بەرکەوتووانی چەکی کیمیایی خەرج کرا
هەولێر، هەرێمی کوردستان (GOV.KRD)- لە چوارچێوەی گرنگیدانی کابینەی نۆیەمی حکومەتی ھەرێمی کوردستان بە قوربانیانی کیمیاباران، بە بڕیاری مەسرور بارزانی، سەرۆکی حکومەتی ھەرێمی کوردستان بڕی ٢٦٢ ملیۆن دینار خەرجکرا بە مەبەستی چارەسەرکردن و نەشتەرگەری بەرکەتووانی چەکی کیمیایی، بەھەماھەنگی لەنێوان ھەردوو وەزارەتی کاروباری شەھیدان و ئەنفالکراوان لەگەڵ وەزارەتی تەندروستی، لەسەر بوودجەی بەڕێوەبەرایەتی گشتی تەندروستی ھەڵەبجە.
فەرمانگەی میدیا و زانیاری
١ی تشرینی یەکەمی ٢٠٢٢