لە ئیدارەی سۆران سیستەمی ئەلیکترۆنی مۆڵەتی شۆفێری کەوتەکار
پێنجشەممە ٢ـی ئاداری ٢٠٢٣، بە ئامادەبوونی هەڵگورد شێخ نەجیب، سەرپەرشتیاری ئیدارەی سۆران لە بەڕێوەبەرایەتیی هاتووچۆی ئیدارەی سۆران بۆ جاری یەکەم دەرهێنان و نوێکردنەوەی مۆڵەتی شۆفێری بەشێوەی ئەلیكترۆنی، کەوتەکار.
شایەنی باسە، یەکەم مۆڵەتی شوفێری بە سیستەمی دیجیتاڵی درایە کچە شەهیدێکی ئیدارەی سۆران بە ناوی رێزان خورشید.
لە کۆنگرەیەکی رۆژنامەوانیدا، سەرپەرشتیاری ئیدارەی سۆران، ڕایگەیاند: “بەئەلیکترۆنیکردنی کاروبارەکانی حکومەت وەک پڕۆسەیەکی بەردەوامی کابینەی نۆیەم یەکێکە لە ئامانجەکانمان بۆ خزمەتکردن و کارئاسانیکردن بۆ هاووڵاتییانی ئیدارەی سۆران”.
٢ـی ئاداری ٢٠٢٣