پیرۆزباھییا سەرۆکێ حکومەتا هەرێما کوردستانێ ب ھەلکەفتا جەژنا جەمایێ
هەولێر، هەرێمی کوردستان، عێراق (GOV. KRD) - مەسرور بارزانی سەرۆکی حکومەتی هەرێمی کوردستان رۆژی 6 تشرینی یەکەمی 2020 لە پەیامێکدا "جەژنا جەمایێ" لە هاووڵاتیانی ئێزیدی پیرۆز دەکات، ئەمەش دەقی پەیامەکەیەتی:
پیرۆزباھیێن گەرمێن خۆ پێشکەشی خوشک و برایێن ئێزیدی ل کوردستانێ و جیهانێ ب تایبەتی میر و ئەنجومەنا روحانی دکەم ب ھەلکەفتا جەژنا جەمایێ. ھیڤیدارم ئەڤ جەژن ببێتە ئەگەرێ خێر و خۆشیێ و دویماھی هاتنا ئێش و ئازار و دەردەسەریێن خوشک و برایێن ئێزیدی.
ئەڤ ساڵە ب سەدەما کۆچا دویماھیێ یا جەنابێ بابا شێخ و بەڵاڤبوونا پەتایا کۆرۆنایێ، د رەوشەکا دژوار دا ئەڤێ جەژنێ دکەینەڤە. هیڤیدارم دویماھی ب ئەڤان نەخۆشییان بھێت و حکومەتا هەرێما کوردستانێ، خزمەتەکا پتر بۆ خوشک وبرایێن ئێزیدی پێشکەش بکەت و رەوشا دەڤەرا شنگال ئاسایی ببێتەڤە، داکو ئەوێن ھەتا نھا دئاوارەیێ دا دژین ب سەربلندی بزڤڕنەڤە سەر مال و جھ و وارێن خۆ.
مەسرور بارزانی
سەرۆکێ حکومەتا هەرێما کوردستانێ
2020/10/6