وه‌زاره‌تی كشتوكاڵ مه‌رجه‌كانی هه‌نارده‌كردنی به‌روبوومی سه‌وزه و میوه‌ی دیاری كرد
هەولێر، هەرێمی كوردستان، عێراق (GOV.KRD)-لە پێناو بەبازاڕکردن و ساغکردنەوەی بەرهەمی کشتوکاڵی (میوە و سەوزە) ی ناوخۆی جوتیاران و بەهۆی زیادبوونی خواست لەسەر بەرهەمەکانی جوتیارانی هەرێمی کوردستان لە وڵاتانی دەرەوە ، وه‌زاره‌تی كشتوكاڵ و سه‌رچاوه‌كانی ئاو، میکانیزم و مەرجەکانی هەناردەکرنی بەروبوومی کشتوکاڵی داناوە کە بەنووسراوی فەرمی گشتاندنی پێ کردووە بۆ ئەوەی لەمەودوا بە کوالێتی زۆر بەرز و تایبەتمەند بەرهەمی ناوخۆیی جوتیارانی هەرێمی کوردستان بۆ ووڵاتانی دەرەوەی هەرێمی کوردستان هەناردە بکرێت.
