هەولێر، هەرێمی کوردستان، عێراق (GOV.KRD)-  بسته‌ى زه‌مينى ( فستق الحقل ) يه‌كێكه‌ له‌ به‌رهه‌مه‌ تايبه‌ته‌كانى سنوورى كشتوكاڵى گه‌رميان، كه‌ سه‌ده‌ها دۆنم زەوی به‌م به‌روبوومه‌ به‌سوده‌ ده‌چێنرێت و  هه‌لى كار بۆ سه‌ده‌ها كه‌س ده‌رخسێنێت، ئێستاش کاتی پێگەیشتنی ئەم بەرهەمەیە لەو ناوچەیە دا.

وه‌ك پاڵپشتيه‌ك و هاندانێك، به‌ڕێوه‌به‌رى گشتى كشتوكاڵى گه‌رميان بەیاوەری به‌ڕێوه‌به‌رى كشتوكاڵى كه‌لار و لێپرسراوى به‌شى خزمه‌تگوزارى كشتوكاڵى، سه‌ردانى گوندى (گێژه‌كان)يان كرد ،وێڕای دەستخۆشی لە جوتیارەکان له‌ نزيكه‌وه‌ گوێيان گرت له‌ كێشه‌و گرفتى جوتياره‌كان.

بەرهەمی بستەى زه‌مينى له‌ مانگى (5) ده‌چێنرێت و له‌ دواى مانگى(11) به‌ربوومه‌كه‌ى كۆده‌كرێته‌وه‌.