وەزیری كار و كاروباری كۆمەڵایەتی منداڵانی خاوەن پێداویستیی تایبەتی دهۆكی بەسەركردەوە
کوێستان محەمەد، وەزیری کار و کاروباری کۆمەڵایەتی، ڕۆژی سێشەممە ١ی کانوونی دووەمی ٢٠٢٣، سەردانی شاری دهۆكی كرد.
لەو بەسەرکردنەوەیەدا، سەردانی قوتابخانەی ھەندرێنی کرد کە زیاتر لە ٧٠ قوتابی خاوەن پێداویستیی تایبەت تێیدا دەخوێنن و لە نزیکەوە لە ڕەوش و گوزەرانی خوێندکارەکانی کۆڵییەوە.
لە بەشێکی دیكەی ئەو سەردانەدا باڵەخانەی بەڕێوەبەرایەتیی سەنتەری کۆمەڵایەتی و پاراستنی منداڵانی بەسەرکردەوە.
دواتر بەڕێوەبەرایەتیی گشتیی چاودێری و گەشەپێدانی کۆمەڵایەتی و سیستەمی یەك پەنجەرەی بەسەر کردەوە کە خزمەتێکی زۆر بە ھاووڵاتییان لە کەمکردنەوەی ڕۆتین و زوو بەڕێکردنی مامەڵەکانیان دەكات.
هەر لەسەر داوای فەرمانبەران، کۆبوونەوەی تایبەتی لەگەڵ سەرجەم خانمانی ناو بەڕێوەبەرایەتییەکە کرد و گوێبیستی داواکارییەکانیان بوو و گفتوگۆی پێویست لەسەر كاروبارەكان كران.
