Skip to the content

هەواڵەکان

لەمەراسیمێکدا وەکو وەفایەک ناوی دوو شەقامی هەولێر گۆڕدرا

ڕۆژی دووشەممە ٢٠٢١/٤/٥لە یادی ٣٠ ساڵەی بڕیاری ٦٨٨ی ئەنجوومەنی ئاسایش لەژێر چاودێریی ڕێزدار مەسروور بارزانی سەرۆكی حكوومەتی هەرێمی كوردستان لە شاری هەولێر، ناوی شەقامێكی شارەكە كرا بە "نوای ئارام" و ناوی شەقامێكی دیكەش كرا بە "سێر جۆن مەیجەر" سەرۆک وەزیرانی پێشووتری بەریتانیا كە ڕۆڵی لە دەركردنی بڕیارەكەدا هەبووە و بووەتە هۆی دانانی سنوورێك بۆ هێرش و هەڕەشەكانی رژێمی سەددام حوسێن بە تایبەتی لە كاتی كۆڕەوەكەی گەلی كوردستان لە ٣١ی ئاداری ١٩٩١دا.

بە ئامادەبوونی وەزیری شارەوانی و گەشتوگوزاری حكومەتی هەرێمی كوردستان پرۆژەی بەخشین راگەیەندرا

ڕۆژی دووشەممە 29/3/2021 بە ئامادەبوونی وەزیری شارەوانی و گەشتوگوزار پرۆژەی بەخشین لە شاری هەولێر راگەیەندرا كە پرۆژەكە لەلایەن سەرۆكایەتیی شارەوانیی هەولێر و بە هەماهەنگی لەگەڵ رێكخراوی (AOO) جێبەجێ كراوە و ژمارەیەكی زۆر بۆكسی بەخشینی جلوبەرگ و پێڵاوی بەكارهاتوو وەك پرۆژەیەكی هاوكاری و ژینگەپارێزی دانراون و وەزیری شارەوانی و گەشتوگوزاریش پاڵپشتی خۆی بۆ پرۆژەكە رادەگەیەنێت و بە كارێكی پیرۆزی لەقەڵەم دەدات.

گرفتی كۆمپانیاكانی پاككردنەوەی شاری سلێمانی چارەسەر بووە

ئەمڕۆ سێ شەممە 2021/3/9 پرۆسەی تەندەرینگی كۆمپانیاكانی كۆكردنەوەی خاشاك، بەپێی ڕێنمایی گرێبەستە گشتییەكان ژمارە (2)ی ساڵی 2016ی وەزارەتی پلاندانان ئامادە كراوە و لەلایەن هۆبەی یاسا و كارگێڕی و دارایی و مەرجەكان دیاری كراون و هەموو ئەو كۆمپانیایانەی كە بەشدار بوون، لەسەر ئەو مەرجانە ڕازی بوون و بۆ بەدەستهێنانی ئەو تەندەرانە كێبڕكێیان كردووە.

ماوەی لێخۆشبوون لەقەرزی ئاو درێژ كرایەوە

بەڕێوەبەرایەتیی گشتیی ئاو و ئاوەڕۆی سەر بە وەزارەتی شارەوانی و گەشتوگوزار بڕیاری درێژكردنەوەی ماوەی لێخۆشبوون لە هاوبەشانی ئاو بۆ 31/3/2021 درێژ دەكاتەوە.

وەزارەتی شارەوانی و گەشتوگوزار پێداچوونەوە بە نەخشە و ماستەرپلانی شار و شارۆچكەكان دەكات

لە ژێر چاودێریی ساسان عەونی وەزیری شارەوانی و گەشتوگوزار لە شاری هەولێر كۆبوونەوەیەك لەبارەی پەرەپێدان و گرنگیدان بە پلانسازی و نەخشەسازی و رۆڵی نەخشەدانانی ئاوەدانی لە رێكخستنەوە و پەرەپێدانی شار و شارۆچكەكان ساز كرا.

بەمزووانە ژمارەی زەوییەكانی قەرەبووی گوندی كۆری دەدرێتە سوودمەندانی پرۆژەكە

ئەمرۆ دووشەممە 2021/2/22 لە ماوەی رابردوودا تیمێكی تایبەت لە بەڕێوەبەرایەتیی گشتیی نەخشەدانانی ئاوەدانی و سەرۆكایەتیی شارەوانیی هەولێر و بەڕێوەبەرایەتیی نەخشەدانانی هەولێر كاریان لەسەر نەخشەی نوێی زەوییەكانی قەرەبووی گوندی كۆری كرد و بەمزووانەش ژمارەی زەوییەكانی قەرەبووی گوندەكە دەخرێتە بەردەستی سوودمەندانی پرۆژەكە.

بینایەی مۆزەخانەی هەولێر بەشێوەیەکی سەردەمیانە دروست دەکرێت و دیزاینی تەواوبوە

وەزیری شارەوانی و گەشتوگوزار دەڵێ: دیزاینی مۆزەخانەی هاوچەرخی هەولێر تەواو بووە كە یەكێك لە شاكارە تەلارسازییەكان لە شاری هەولێر جێبەجێ دەكرێت و جگە لە هەولێر دەتواندرێت بۆ هەموو هەرێمی كوردستان سوودی لێ وەربگیرێت.

وەزیری شارەوانی و گەشتوگوزار بەڕێوەبەرایەتیی شوێنەوار و مۆزەخانەی هەولێری بەسەركردەوە

ئەمرۆ سێشەممە 2021/2/9 ساسان عەونی وەزیری شارەوانی و گەشتوگوزار بە مەبەستی برەودانی زیاتر بە شوێنە شوێنەوارییەكانی هەرێمی كوردستان و مۆزەخانەكان و داڕشتنی پلانی نوێ بۆ ئەوەی بە باشترین شێوە پێشوازی لە گەشتیاران و سەردانكەران بكەن، هەروەها كاركردن لەگەڵ تیمە بیانی و ناوخۆییەكان بۆ دۆزینەوەی شوێنی شوێنەواری زیاتر و بایەخدانی میدیا بەو سێكتەرە، بەڕێوەبەرایەتیی شوێنەواری هەولێر و مۆزەخانەی شارستانیی هەولێری بەسەركردەوە

كۆنفرانسی رێكخستنەوەی داهاتەكانی وەزارەتی شارەوانی و گەشتوگوزار بەڕێوەچوو

ئەمرۆ یەک شەممە 2021/2/7 وەزارەتی شارەوانی و گەشتوگوزار یەكەمین كۆنفرانسی خۆی بەناوی " كۆنفرانسی رێكخستنەوەی داهاتەكان" ساز كرد و وەزیری شارەوانی و گەشتوگوزاریش دەڵێ ئەو كـۆنـفرانـسە لـە چـوارچـێوەی چـاكـسازیـیەكـانـی حـكوومـەت و بـایـەخـدانـێتی بـە پـرسـی رێكخسـتنەوەی سـەرجـەم سـێکتەرەکـان.

شاندێكی باڵای پەرلەمانی كوردستان سەردانی وەزارەتی شارەوانی و گەشتوگوزاری كرد

ئەمڕۆ دووشەممە 2021/2/1 ساسان عەونی، وەزیری شارەوانی و گەشتوگوزار، پێشوازیی لە د. هێمن هەورامی جێگری سەرۆكی پەرلەمان كرد و لە كۆبوونەوەیەكدا بە یاوەریی لیژنەی شارەوانی لە پەرلەمانی كوردستان كە لەناو وەزارەتی شارەوانی بەڕێوە چوو، تیشك خرایە سەر گرنگیی بەردەوامی خزمەتگوزارییەكانی ڕاستەوخۆ پەیوەستن بە ژیانی هاووڵاتییانەوە.