هەولێر، هەرێمی کوردستان، عێراق (GOV.KRD)- وەزارەتی شارەوانی و گەشتوگوزار لە فەرمانێكی وەزاری خۆیدا بڕیاری دا لەسەر خەرجكردنی گوژمەیەك بۆ پەرەپێدانی پڕۆژەكانی تۆڕی ئاو و سێكتەری ئاو لە سنووری پارێزگای هەولێر، كە گوژمەكە زیاتر لە 65 ملیۆن دینارە و لەسەر ڕێژەی 17%ی داهاتی بەڕێوەبەرایەتیی ئاوی دەوروبەری هەولێر خەرج كراوە.

 پرۆژەكان بریتین له‌ :

-پرۆژەی تۆڕی ئاوی گەڕەكی گرتک و رۆست لە قوشتەپە. 

-كڕینی ئامێری ئۆتۆككلەیف بۆ تاقیگەی كۆنترۆڵی جۆری. 

-تۆڕی ئاوی گەڕەكی ڕزگاری لە باسرمە. 

-دیزایینكردنی تاخم غەتاس و ڕاكێشانی كارەبای سەرەكی بۆ بیری ئاو لە گوندی شێوەدەر/ دارەشەكران.

-پڕۆژەی تۆڕی ئاوی گەڕەكی پیرداود لە شەمامك.