بە گوژمەی ٦٠٠ ملیۆن دینار پرۆژەیەكی دروستكردنی شەقام و ئاوەڕۆ لە شاریا جێبەجێ دەكرێت
بە مەبەستی پەرەپێدانی پرۆژە خزمەتگوزارییەكان و خزمەتكردنی زیاتری دانیشتووانی شارۆچكەكە، بە سەرپەرشتیی تیمەكانی شارەوانیی شاریا سەر بە بەڕێوەبەرایەتیی گشتیی شارەوانییەكانی دهۆك، پرۆژەیەكی دروستكردنی شەقام و ئاوەڕۆ لە شاریا جێبەجێ دەكرێت.
گوژمەی پرۆژەكە ٦٠٠ ملیۆن دینارە و لەسەر بودجەی پارێزگەی دهۆك تەرخان كراوە، بڕگەكانی پرۆژەكەش پێكهاتوون لە دروستكردنی شەقام و ئاوەڕۆ، ئەو پرۆژەیە بە سەرپەرشتیی شارەوانیی شاریا جێبەجێ دەكرێت.
بڕگە سەرەكییەكانی پرۆژەكە پێكهاتوون لە ١٦٠٠م دروستكردن و قیرتاوكردنی شەقام، لەگەڵ دروستكردنی ٢٢٠ مەتر ئاوەڕۆ؛ ئەو پرۆژەیە كاریگەریی زۆر باشی لەسەر ئاسانكاریی هاتوچۆ و ڕێگریكردن لە كۆبوونەوەی ئاو لەو شوێنە دەبێت.
جگە لەو پرۆژەیە هاوكات لە سنووری بەڕێوەبەرایەتیی گشتیی شارەوانییەكانی دهۆك، ئێستا ژمارەیەك پرۆژەی تری خزمەتگوزاری لە قۆناغی جێبەجێكردندان.
جگە لەو پرۆژەیە هاوكات لە سنووری بەڕێوەبەرایەتیی گشتیی شارەوانییەكانی دهۆك، ئێستا ژمارەیەك پرۆژەی تری خزمەتگوزاری لە قۆناغی جێبەجێكردندان.