شاندێکی باڵای وەزارەتی پێشمەرگە سەردانی وەزارەتی دارایی وئابوریان کرد.
هەولێر، هەرێمی کوردستان، عێراق (GOV.KRD)- سەر لەبەیانی ئەمرۆ سێشەممە 8 ی حوزەیرانی 2021 شاندێکی باڵای وەزارەتی پێشمەرگە بەسەرۆکایەتی سەربەست لەزگین بریکاری وەزارەتی پێشمەرگە و ئەندامێتی فەریق جەبار یاوەر مەندە ئەمینداری گشتی وەزارەت و چەندئەفسەرێکی باڵای وەزارەت سەردانی وەزارەتی دارایی وئابوریان کرد، لەلایەن ئاوات جەناب نوری وەزیری دارایی پێشوازیان لێکرا.
لەکۆبوونەوەیەکدا تاوتوێی بودجەی دیاری کراوی وەزارەتی پێشمەرگەو هێزەکانی 70 و 80 ی پێشمەرگەیان کرد لەناو پڕۆژە یاسای پێشنیازکراوی بودجەی هەرێمی کوردستان بۆ ساڵی 2021.
هەردوولا لەسەر ئەوە کۆک بوون کەنابێت مافی پێشمەرگە بفەوتوێ و پێویستە وەزارەتی پێشمەرگە بودجەیەکی شایستەی بۆ دیاری بکرێت.
لەتەوەرێکی تری کۆبونەوەکەدا وەزیری دارایی وئابوری ئاوات جەناب نوری جەختی لەوە کردەوە پێشمەرگە سەروەری ئەو وڵاتەیە دەبێت ڕێز لە هەموو مافەکانیان بگیرێت.
لەکۆتایی دیدارەکەدا بەرپرسانی وەزارەتی پێشمەرگە سوپاسی هەوڵەکانی وەزارەتی دارایی و ئابوری و هەنگاوەکانی حکومەتی هەرێمی کوردستانیان کرد بۆ باشتر کردنی ژیان و بژێوی پێشمەرگە.
