ڕێکخەری ڕاسپاردە نێودەوڵەتییەکان پێشوازی لە کونسوڵی گشتی هیندستان کرد
هەولێر، هەرێمی کوردستان، عێراق (GOV.KRD)- د. دیندار زێباری، ڕێکخەری ڕاسپاردە نێودەوڵەتییەکان پێشوازی لە بەڕێز سوباش کەین، کونسوڵی گشتی هیندستان لە هەرێمی کوردستان کرد.
لە دیدارێکدا بەڕێز کەین ئاشناکرا بە ناوەڕۆکی پلانی هەرێمی بۆ مافەکانی مرۆڤ و پشتیوانی خۆی بۆ پلانەکە دەربڕی.
د. دیندار زێباری، ڕێکخەری ڕاسپاردە نێودەوڵەتییەکانیش سوپاسگوزاری خۆی لە بەرامبەر ڕۆڵی دۆستانەی هیندستان لە هەرێمی کوردستان پشاندا.