كۆبوونه‌وه‌كه‌ تایبه‌ت بوو به‌ وه‌رگرتنی بۆچوونی نوێنه‌رانی وه‌زاره‌ته‌ په‌یوه‌ندیداره‌كانی حكومه‌تی هه‌ریمی كوردستان، له‌باره‌ی نوێكردنه‌وه‌ی به‌ڵگه‌نامه‌ی پشكداریی نیشتمانيی عێراق تایبه‌ت به‌ گۆڕانی كه‌شوهه‌وا.

ته‌وه‌ری سه‌ره‌كيی كۆبوونه‌وه‌كه‌ تایبه‌ت بوو به‌ خستنه‌ڕووی ئه‌و هۆكارانه‌ی بوونه‌ته‌ هۆی پیسبوونی هه‌وا و ده‌ستنیشانكردنی ڕێگه‌چاره‌كان.

سه‌رۆكی ده‌سته‌ی پاراستن و چاككردنى ژينگه‌ وێڕای سوپاس و پێزانین، پێشنیازى شانده‌كه‌ى په‌سه‌ند كرد و هیوای خواست له‌ داهاتوودا یاداشتنامه‌ی له‌يه‌كتێگه‌یشتن له‌ نێوان هه‌ردوولادا هه‌بێت، بۆ سوودوه‌رگرتن له‌ بوارى ته‌كنۆلۆژیای دۆستی ژینگه‌.