بەرپرسى پەیوەندییەکانى دەرەوەى حکومەت پێشوازى لە باڵیۆزى جۆرجیا لە عیراق دەکات
![](/media/6298/بەرپرسى-پەیوەندییەکانى-دەرەوەى-حکومەت-پێشوازى-لە-باڵیۆزى-جۆرجیا-لە-عیراق-دەکات.jpg?anchor=center&mode=crop&width=1200&height=630&rnd=132671834250000000)
هەولێر، هەرێمی کوردستان، عێراق (GOV.KRD)- ڕۆژی باڵیۆزى جۆرجیا لە عیراق خۆشحاڵی خۆى نیشاندا بۆ یەکەم سەردانى بۆ هەرێمى کوردستان و خواستى وڵاتەکەى دووپاتکردەوە بۆ زیاتر پتەوکردنى پەیوەندییەکانیان لەگەڵ هەرێم و ئاماژەى بە سەقامگیرى و پێشووەچوونەکانى هەرێم و گرتنەبەرى رێکارى پێویست کرد بۆ رووبەڕووبوونەوەى پەتاى کۆڕۆنا کرد. لەم رووەوە سوپاسى حکومەتى هەرێمى کوردستانى کرد بۆ هاوکارى کردنى هاوڵاتیانى جۆرجى لە هەرێم بە تایبەت لەكاتى کەرەنتین و بڵاوبوونەوەى پەتاى کۆڕۆنا.
سەفین دزەیى بەرپرسى پەیوەندییەکانى دەرەوە وێڕای نیشاندانى خۆشحاڵى خۆى بۆ سەردانى بەڕێزیان بۆ هەرێمى کوردستان، پوختەیەکى لەسەر سیاسەت و تێڕوانینى حکومەتى هەرێم لەمەڕ پەیوەندییەکان لەگەڵ کۆمەڵگاى نێودەوڵەتى و پرس و رەوشى هەنووکەیى عیراق و ناوچەکە بەشێوەیەکى گشتى پێشکەش کرد.
بەڕێزیان هیواى خواست جۆرجیا لەسەر ئاستێکى باڵا نوێنەرایەتى خۆى لەهەرێمى کوردستان بکاتەوە بۆ زیاتر پتەوکردنى پەیوەندییەکان لە بوارى ئابوورى و بازرگانى و کشتوکاڵ و گەشتیارى.