بەرپرسی پەیوەندییەکانی دەرەوەى هەرێم و باڵیۆزی سوید لە عیراق باسى هەماهەنگییەکانیان کرد
![](/media/6121/بەرپرسی-پەیوەندییەکانی-دەرەوەى-هەرێم-و-باڵیۆزی-سوید-لە-عیراق-باسى-هەماهەنگییەکانیان-کرد-02.jpg?anchor=center&mode=crop&width=1200&height=630&rnd=132663174710000000)
هەولێر، هەرێمی کوردستان، عێراق (GOV.KRD)- ڕۆژى یەکشەممە ٢٠٢١/٥/٢٣ سەفین دزەیی بەرپرسی پەیوەندییەکانی دەرەوەی حکومەت لەگەڵ لارس ڕۆناس باڵیۆزی سوید لە عیراق باسیان لە پەیوەندییە دووقۆڵیەکان و هاوکاری و هەماهەنگی دوولایەنەو بارودۆخی شنگال و دوایین پەرەسەندنەکانی سیاسی و ئاسایش لەهەرێمی کوردستان و عیراق و ناوچەکە کرد.
باڵیۆزی سوید سوپاس و ستایشی فەرمانگەی پەیوەندییەکانی دەرەوەی کرد بۆ هاوکاری و هەماهەنگی بەردەوام لەگەڵ نووسینگەی باڵیۆزخانەی وڵاتەکەیان لەهەرێم. هاوکات باسی لەکاروچالاکییەکانی باڵیۆزخانەی وڵاتەکەی کرد لە عیراق و هەرێمی کوردستان.
سەفین دزەیی پوختەیەکی لەسەر بارودۆخی هەرێمی کوردستان پێشکەش کرد و دید و تێڕوانینی حکومەتی هەرێمی سەبارەت بە پرسە هەنووکەییەکان خستەڕوو.