بەرپرسى فەرمانگەى پەیوەندییەکانى دەرەوە لهگهڵ باڵیۆزى پاکستان لە عیراق كۆبۆوه
![](/media/8576/256343932_1094066218027817_5474017731646074770_n.jpg?anchor=center&mode=crop&width=1200&height=630&rnd=132813668840000000)
هەولێر، هەرێمی کوردستان، عێراق (GOV.KRD)- بەبۆنەی دەستبەکاربوونی وەک باڵیۆزی پاکستان لەعێراق، ڕۆژی پێنجشەممە ١١ی نۆڤێمبەری ٢٠٢١ ئەحمەد ئەمجەد عەلى سەردانی فەرمانگەی پەیوەندییەکانی دەرەوەی کرد و لەلایەن سەفین دزەیى بەرپرسی پەیوەندییەکانی دەرەوەی حکومەت پێشوازیى لێکرا.
لە کۆبوونەوەکەدا باس لە پەرەپێدانى پەیوەندییە دوو قۆڵیەکان و پەیوەندییەکانی بوارى کەلتوورى و ئابوورى و پەرەپێدانى تواناکان و بارودۆخی ڕەوەندى پاکستانى لە هەرێمى کوردستان و عێراق کرا.
هەردوولا باسیان لە گرینگى کردنەوەى نێردەى دیپلۆماسی پاکستان لە هەرێمى کوردستان کردەوە بۆ زیاتر پەرەپێدانى هەماهەنگى دوولایەنە و پەرەپێدانی پەیوەندییەکان لەسەرجەم بوارەکاندا.