جێگری فەرمانگەی پەیوەندییەکانی دەرەوە پێشوازی لە کونسوڵی فەرەنسا لە هەرێمی کوردستان کرد
![](/media/14236/photo-2022-08-30-13-17-59_4-1.jpg?anchor=center&mode=crop&width=1200&height=630&rnd=133064023770000000)
هەولێڕ، هەرێمی کوردستان (GOV.KRD)- دابان شەدەڵە، جێگری بەرپرسی فەرمانگەی پەیوەندییەکانی دەرەوە پێشوازی لە ئۆلیڤیێر دیکۆتینیە، کونسوڵی گشتیی فەرەنسا لە هەرێمی کوردستان کرد و باسیان لە پێشهاتە سیاسییەکانی ئێستای بەغدا و پێکدادان و دۆخی خراپی عێراق کرد.
هەردوولا جەختیان کردەوە کە پێویستە دام و دەزگاکانی دەوڵەت بپارێزرێن و کێشەکان بە گفتوگۆ و درووستکردنی دیالۆگ و بەشداریکردن لە دانوستانەکان چارەسەربکرێن بە مەبەستی کەمکردنەوەی ئاڵۆزییەکان و گەڕاندنەوەی سەقامگیری بۆ عێراق و ناوچەکە.