سەفین دزەیی پێشوازى لە کونسوڵی گشتی بەریتانیا لە هەرێمی کوردستان کرد
![](/media/11785/photo-2022-05-15-14-05-44.jpg?anchor=center&mode=crop&width=1200&height=630&rnd=132971596210000000)
هەولێر، هەرێمی کوردستان، عێراق (GOV.KRD)- ڕۆژی یەکشەممە ١٥ی ئایاری ٢٠٢٢ سەفین دزەیی، بەرپرسی فەرمانگەی پەیوەندییەکانی دەرەوە پێشوازی لە دەیڤد هەنت، کونسوڵی گشتی بەریتانیا لە هەرێمی کوردستان و شاندی یاوەری کرد.
لە کۆبوونەوەیەکدا، پەیوەندی دووقۆڵی دۆستانەی نێوان هەرێمی کوردستان و شانشینی بەریتانیا و خواستی پەرەپێدانی زیاتر و دوایین سەردانی پڕ بایەخی سەرۆک وەزیرانی هەرێمی کوردستان بۆ لەندەن، تاوتوێ کرا.
بەرپرسی فەرمانگە، وێڕای بەرزنرخاندنی هاوکارییەکانی بەریتانیا، سوپاسی کونسوڵی گشتی و تیمی یاوەری و حکومەتی بەریتانیای کرد بۆ هاوکاری و پشتیوانی بەردەوامیان.