بەرپرسی پەیوەندییەکانی دەرەوەى حکومەت لەگەڵ پاولۆ فۆنتانى نوێنەری یونسیکۆ لە عێراق کۆ بووەوە
![](/media/21262/363970334_850204629796786_3378410734652156510_n.jpg?anchor=center&mode=crop&width=1200&height=630&rnd=133354328950000000)
ڕۆژی سێشەممە، ١ى ئابی ٢٠٢٣، سەفین دزەیی، بەرپرسى پەیوەندییەکانى دەرەوەى حکومەت، پێشوازیى لە پاولۆ فۆنتانى، نوێنەری یونسیکۆ لە عێراق کرد.
لە کۆبوونەوەکەدا بەرپرسى پەیوەندییەکانى دەرەوە سوپاس و پێزانینی خۆی ئاراستەی ڕێکخراوى یونیسکۆ کرد، لە بەرانبەر کار و چالاکییەکانیان لە هەرێمی کوردستان، بوارەکانی پەروەردە و ڕۆشنبیرى و کولتوور. هیواى خواست ڕێکخراوى ناوبراو بە هەماهەنگى لەگەڵ دامەزراوە پەیوەندیدارەکانى حکومەتى هەرێم، گرنگىی زیاتر بە پاراستن و نۆژەنکردنەوەى شوێنەوارەکان بدەن لە تەواوى ناوچەکانی هەرێمى کوردستان.
پاولۆ فۆنتانى، نوێنەری یونسیکۆ لە عێراق بە گرنگییەوە باسى لە بایەخى پاراستنی شوێنەوار و کەلەپوور کرد، هەرێمی کوردستان و پوختەیەکى سەبارەت بە پڕۆژە و کارەکانیان پێشکەش کرد، لەبارەى نۆژەنکردنەوەی خانووە کەلەپوورییەکان. هاوکات بەردەوامیی کارەکانیانی دووپات کردەوە لە پرۆژەکانی قەڵای هەولێر و نۆژەنکردنەوە و چاککردنەوەی شوێنەوارەکان.