رۆژی ئاڵای کوردستان لە فەرمانگەی پەیوەندییەکانی دەرەوە بەرز راگیرا
ڕۆژی یەکشەممە ١٧ی کانوونی یەکەمی ٢٠٢٣، لە فەرمانگەی پەیوەندییەکانی دەرەوەی حکومەتی هەرێمی کوردستان، بە ئامادەبوونی سەفین دزەیی، بەرپرسی فەرمانگەی پەیوەندییەکانی دەرەوە و دابان شەدەڵە، جێگری بەرپرسی فەرمانگە و ڕاوێژکار و بەڕێوەبەر و تەواوی فەرمانبەران مەڕاسیمی ڕۆژی ئاڵای کوردستان بە شکۆدارییەوە بەڕێوەچوو.
سەفین دزەیی، لە ووتەیەکدا رایگەیاند:'' ئەمڕۆ لەگەڵ هاوکارانم، بە شانازییەوە ڕەنگە زیندووەکانی ئاڵای کوردستانمان بەرز کردەوە، کە مەشخەڵی خەبات و هیوا و بەیەکەوەبوونمانە.''
بەرپرسی فەرمانگەی پەیوەندییەکانی دەرەوە راشیگەیاند:'' بەم بۆنەیەوە، پیرۆزبایی لە سەرجەم کوردستانیان لە ناوەوەو دەرەوەی کوردستان دەکەم و سەری ڕێز و نەوازش بۆ هەموو ئەو قارەمانانە دادەنوێنم کە گیانی خۆیان لە پێناو ئەم ئاڵایە بەخت کرد.''
