سەفین دزەیی پێشوازى لە کونسوڵى گشتى قەتەر و شاندێکى وەزارەتى ژینگەى قەتەر کرد
![](/media/24238/img_8152-1.jpeg?anchor=center&mode=crop&width=1200&height=630&rnd=133468848040000000)
ڕۆژی سێشەممە، ١٢ی کانوونی یەکەمی ٢٠٢٣، سەفین دزەیی، بەرپرسى فەرمانگەی پەیوەندییەکانى دەرەوەی حکومەتی هەرێمی کوردستان، پێشوازى لە حسین على الفضالة، کونسوڵى گشتى قەتەر لە هەرێمى کوردستان و شاندێکى وەزارەتى ژینگە و گۆڕانى کەشوهەواى قەتەر کرد.
شاندەکە پێکهاتبوون لە حمد یعقوب الرمیحى، یاریدەدەرى بەڕێوەبەرى نووسینگەى پارێزگارىکردنى دەرەوە و محمد على المهندی، یاریدەدەرى بەڕێوەبەرى نووسینگەى پارێزگارىکردن بۆ کاروبارى هونەرى.
لە کۆبوونەوەکەدا شاندى میوان سوپاسی حکومەتى هەرێم و دام و دەزگاکانیان کرد کە هاوکار و هەماهەنگ بوون و تیشکیان خستە سەر ئەو کۆبوونەوانەى کە ئەنجامیان داوە. دواتر باسیان لە پلان و بەرنامە و پڕۆژەکانیان کرد لە هەرێمى کوردستان لە بوارى ژینگە و پاراستنى ئاژەڵ و ئەو جۆرە باڵندانەى مەترسی لەناوچوونیان لەسەرە.
لەلایەن خۆیەوە بەرپرسی فەرمانگەی پەیوەندییەکانى دەرەوە بەناوى حکومەتى هەرێم دەستخۆشی و سوپاسی شاندى ناوبراوى کرد بۆ جێبەجێ کردنى هەر پرۆژەیەک کە دەبێتە هۆى پاراستنى ژینگە و پشتگیرى تەواوى حکومەتى هەرێمى کوردستانى دەربڕى بۆ شاندى ناوبراو و ئاماژەى بەوەدا کە ئەم هەنگاوانە دەبنە مایەی زیاتر بەرەوپێشچوونى پەیوەندییەکانى نێوان هەرێمى کوردستان و ووڵاتى قەتەڕ.
بەرپرسی پەیوەندییەکانی دەرەوە ئاماژەى بەوەدا کە بابەتى گۆڕانى کەشوهەوا و پاراستنى ژینگە بۆتە پرسێکى جیهانى، بۆیە هاوکارى و هەماهەنگى هەمەلایەنەى پێویستە بۆ ڕوبەڕووبوونەوە و هاوکات ئەنجامدانى هەر جۆرە پڕۆژەیەکى ژینگە پارێزى جێگاى سوپاس و پێزانینە.
لە کۆبوونەوەکەدا شاندى میوان سوپاسی حکومەتى هەرێم و دام و دەزگاکانیان کرد کە هاوکار و هەماهەنگ بوون و تیشکیان خستە سەر ئەو کۆبوونەوانەى کە ئەنجامیان داوە. دواتر باسیان لە پلان و بەرنامە و پڕۆژەکانیان کرد لە هەرێمى کوردستان لە بوارى ژینگە و پاراستنى ئاژەڵ و ئەو جۆرە باڵندانەى مەترسی لەناوچوونیان لەسەرە.
لەلایەن خۆیەوە بەرپرسی فەرمانگەی پەیوەندییەکانى دەرەوە بەناوى حکومەتى هەرێم دەستخۆشی و سوپاسی شاندى ناوبراوى کرد بۆ جێبەجێ کردنى هەر پرۆژەیەک کە دەبێتە هۆى پاراستنى ژینگە و پشتگیرى تەواوى حکومەتى هەرێمى کوردستانى دەربڕى بۆ شاندى ناوبراو و ئاماژەى بەوەدا کە ئەم هەنگاوانە دەبنە مایەی زیاتر بەرەوپێشچوونى پەیوەندییەکانى نێوان هەرێمى کوردستان و ووڵاتى قەتەڕ.
بەرپرسی پەیوەندییەکانی دەرەوە ئاماژەى بەوەدا کە بابەتى گۆڕانى کەشوهەوا و پاراستنى ژینگە بۆتە پرسێکى جیهانى، بۆیە هاوکارى و هەماهەنگى هەمەلایەنەى پێویستە بۆ ڕوبەڕووبوونەوە و هاوکات ئەنجامدانى هەر جۆرە پڕۆژەیەکى ژینگە پارێزى جێگاى سوپاس و پێزانینە.