سەفین دزەیی پێشوازی لە هەڵسووڕێنەری کاروباری باڵیۆزخانەی ئازەربێجان لە بەغدا کرد
![](/media/20334/sasa-2.jpg?anchor=center&mode=crop&width=1200&height=630&rnd=133306417190000000)
ڕۆژی چوارشەممە ٧ی حوزەیرانی ٢٠٢٣، سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان، پێشوازی لە ناسر مەمادۆڤ، هەڵسووڕێنەری کاروباری باڵیۆزخانەی ئازەربێجان لە بەغدا کرد.
لە دیدارێکدا، بیروڕا لەبارەی دوایین ڕووداوەکان و پەرەسەندنەکانی ناوچەکە ئاڵوگۆڕکرا، و تیشکخرایە سەر ئاستی پەیوەندییە دوولایەنەکان و پەرەپێدانی زیاتری ئەو پەیوەندییانە.
لە تەوەرێکی تردا، گفتوگۆ لەبارەی ئەگەری کردنەوەی نوێنەرایەتی دیپلۆماسی ئازەربێجان لە هەرێمی کوردستان کرا و خواستی هاوبەش بۆ بەهێزکردنی پەیوەندییەکان لە داهاتوودا خرایە بەرباس.