سەفین دزەیی پێشوازی لە کونسوڵی نوێی فەرەنسا لە هەولێر کرد
![](/media/23691/img_7548.jpeg?anchor=center&mode=crop&width=1200&height=630&rnd=133449416740000000)
بەبۆنەی دەستبەکاربوونی وەک کونسوڵی گشتیی نوێی فەڕەنسا لە هەرێمی کوردستان، ڕۆژی یەکشەممە ١٩ی تشرینی دووەمی ٢٠٢٣، یان برایم، سەردانی فەرمانگەی پەیوەندییەکانی دەرەوەی حکومەتی هەرێمی کوردستانی کرد و لەلایەن سەفین دزەیی، بەرپرسی فەرمانگەی پەیوەندییەکانی دەرەوە پێشوازی لێکرا.
لە دیدارێکدا سەفین دزەیی، وێڕای پیرۆزبایی لە کونسوڵی گشتی نوێی فەڕەنسا، پشتیوانی حکومەتی هەرێم و فەرمانگەی پەیوەندییەکانی دەرەوەی دەربڕی لەپێناو سەرخستنی ئەرک و کارەکانی لە هەرێمی کوردستان.
هەر لە دیدارەکەدا باس لە پەیوەندی دێرین و پتەوی نێوان هەرێمی کوردستان و کۆماری فەڕەنسا کرا وهەردوولا خواستی هاوبەشیان دەربڕی بۆ بەهێزکردنی زیاتری دۆستایەتی و پەیوەندییە دوولایەنەکان و بەرەوپێشبردنی پەیوەندییە ئابووری و بازرگانییەکان و زانکۆیی و کلتوورییەکانی نێوان هەردوولا.
کونسوڵی نوێی فەڕەنسا خواستی وڵاتەکەی دووپاتکردەوە بۆ پتەوکردنی پەیوەندییەکان لەگەڵ هەرێمی کوردستان لەسەرجەم ئەو بوارانەی جێگەی بایەخی هەردوولایە.