سەفین دزەیی لەگەڵ کونسوڵی گشتی فەڵەستین لە هەرێمی کوردستان کۆبووەوە
![](/media/23710/1-81.jpg?anchor=center&mode=crop&width=1200&height=630&rnd=133450467740000000)
رۆژی سێشەممە ٢١ی تشرینی دووەمی٢٠٢٣، سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لەگەڵ نەزمی حزووری، کونسوڵی گشتی فەڵەستین لە هەرێمی کوردستان کۆبووەوە.
لە کۆبوونەوەکەدا بەرپرسی فەرمانگە و کونسوڵی گشتی فەلەستین باسیان لە دوایین ڕووداوەکانی ئەم دواییەی شەڕی نێوان فەڵەستین و ئیسڕائیل کرد و بارودۆخی غەزە بە تایبەتی و ناوچەکە بەگشتی یەکێکی تر بوو لە تەوەری گفتوگۆکانی نێوانیان.
سەفین دزەیی، هاوخەمی خۆی و حکومەتی هەرێمی کوردستانی بۆ هاووڵاتیانى سڤیل لە کەرتی غەزت دەربڕی کە لە شەڕو پێکدادانەکانی ئێستادا بوونەتە قوربانی و هیوای خواست بە زووترین کات بە ڕێگای ئاشتی کۆتایی بە ناکۆکییەکان بهێنرێت و خەڵکى سڤیل و نەخۆشخانە و دامەزراوە مەدەنییەکان نەکرێنە ئامانج.