بەرپرسی پەیوەندییەکانی دەرەوەی حکومەت لەگەڵ نوێنەری یونسکۆ لە عێراق کۆبووەوە
سەفین دزەیی، بەرپرسی پەیوەندییەکانی دەرەوەی حکومەتی هەرێمی کوردستان، لەگەڵ پاولۆ فۆنتانی، نوێنەری یونسکۆ لە عێراق، باسیان لە بەرنامەی ڕێکخراوەکە و هەماهەنگی لەگەڵ دامەزراوەکانی حکومەت و پاراستنی شوێنە کەلەپووریەکان و بواری ڕۆشنبیری و پەروەردە کرد.
لە دیدارەکەدا، سەفین دەزیی، سوپاس وپێزانینی خۆی ئاڕاستەی یونسکۆ بۆ کار وچالاکیەکانیان لە هەرێمی کوردستان لە بواری پەروەردە و پڕۆژەکانیان بۆ پاراستنی شوێنی مێژوویی و کەلەپووری کرد.
هەروەها دزەیی، چەند پێشنیار و بۆچوونێکی هەبوو بۆ چۆنیەتی جێبەجێ کردنی پڕۆژەکانیان و جەختی لە گرنگی پاراستنی شوێنەوارە مێژوویی و نیشتمانییەکان لە هەموو ناوچەکانی هەرێمی کوردستان کردەوە.
نوێنەری یونسکۆ لە عێراق، باسی لە شوێنەوارەکانی هەرێمی کوردستان و کارەکانیان بۆ نۆژەنکردنەوەی خانووە کەلەپووریەکان کرد، و بەردەوامی کارەکانییان لە پڕۆژەکانی قەڵای هەولێر و نۆژەنکردنەوە و چاککردنەوەی شوێنەوارە گرنگەکان دووپاتکردەوە.
