سەفین دزەیی لەگەڵ لێژنەی باڵای بەدواداچوون بۆ دەستى کارى بیانی کۆبووەوە

رۆژی دووشەممە ٩ی تشرینی یەکەمی ٢٠٢٣، لێژنەی باڵای بەدواداچوون بۆ دەستى کارى بیانی سەر بە ئەنجومەنی وەزیران، سەردانى فەرمانگەى پەیوەندییەکانی دەرەوەیان کرد و لەلایەن سەفین دزەیى، بەرپرسی فەرمانگەی پەیوەندییەکانی دەرەوە پێشوازیان لێکرا.

لە کۆبوونەکەدا تاوتوێی سەرجەم خاڵەکانی بڕیارەکە کراو هەردوولا هاوڕابوون لە سەر ڕێکخستنەوەی دەستی کاری بیانی و دابینکردنی دەستەبەری کۆمەڵایەتی و ڕێکخستنەوەیان لە ژێر چەتری یاساو ڕێنمایی تایبەت بە ماف و ئەرکەکانیان.