نوێنەری حکومەتی هەرێم لە ئیسپانیا لەگەڵ بێگەرد تاڵەبانی و کەمال موسلیم کۆبووەوە
![](/media/23040/394625809_894062438744338_4109903563363129706_n.jpg?anchor=center&mode=crop&width=1200&height=630&rnd=133425282920000000)
رۆژى یەکشەممە ٢٢ی تشرینی یەکەمی٢٠٢٣، لە مەدرید، د.دارەوان حاجی حامید، نوێنەری حکومەتی هەرێمی کوردستان لە ئیسپانیا پێشوازی لە بێگەرد تاڵەبانی، وەزیری کشتوکاڵ و سەرچاوەکانی ئاو و کەمال موسلیم، وەزیری بازرگانی و پیشەسازی حکومەتی هەرێمی کوردستان و شاندی یاوەریان بۆ ئیسپانیا کرد.
شاندەکە بەسەردانێکی فەرمیی لە وڵاتی ئیسپانیان و بڕیار وایە لەگەڵ هاوتاکانیان لە حکومەتى ئیسپانیا دیدارو گفتوگۆ ئەنجام بدەن.
نوێنەرایەتى حکومەتى هەرێم رایدەگەیەنێت ئەم سەردانە کاریگەرى باشى دەبێت لەسەر پتەوکردنى زیاترى پەیوەندییەکانى نێوان هەرێمى کوردستان و ئیسپانیا لەڕووى کشتوکاڵ و بازرگانى و پیشەسازىییەوە.