بەرپرسى پەیوەندییەکانى دەرەوە لەگەڵ سەرۆکى رێکخراوى IVY ژاپۆنى کۆبووەوە
ڕۆژی یەکشەممە ١٠ی ئەیلولی ٢٠٢٣، سەفین دزەیی، بەرپرسى پەیوەندییەکانى دەرەوەى حکومەتی هەرێمی کوردستان لەگەڵ ئاکاشی سایتو، سەرۆکى رێکخراوى IVY ژاپۆنى و شاندێکی یاوەرى کۆبووەوە.
ئاکاشی سایتو، باسی پرۆژەکانی ڕیکخراوەکەیانى لە هەرێمى کوردستان کرد لە بواری پەروەردە و نوژەنکردنەوەی قوتابخانەو هاوکاری وەزارەتی پەروەردە لە هەرێمی کوردستان بۆ ناوچە جیاجیاکانی هەرێمى کوردستان و تەواوى عێراق و ئەو ئاستەنگانەى کە رووبەڕوویان دەبێتەوە کرد.
بەرپرسی پەیوەندییەکانى دەرەوە، سوپاسی ڕێکخراوی ناوبراوی کرد بۆ کاروچالاکیەکانیان لە هەرێمی کوردستان و گرنگیدان بە بواری پەروەردە و هاوکاری زیاتر بۆ کۆمەڵگەی خانەخۆیی و ئاوارە وپەنابەران و ئاماژەی بەوەدا کە ژمارەی پەنابەرانی سووری لە هەرێمی کوردستان رۆژ لەدوای ڕۆژ لە زیادبووندایە و حکومەتی هەرێمی کوردستانیش بە پێی توانا هاوکاری و یارمەتی مرۆیی پێشکەش بە ئاوارەو پەنابەران دەکات.
