بەرپرسی فەرمانگەی پەیوەندییەکانی دەرەوە پێشوازی لە بەرپرسی ئاژانسی نێودەوڵەتيی جایکاى ژاپۆنى کرد
![](/media/25298/1-1.jpg?anchor=center&mode=crop&width=1200&height=630&rnd=133529778880000000)
ڕۆژی سێشەممە 20ى شوباتى 2024، سەفین دزەیی، بەرپرسی فەرمانگەی پەیوەندییەکانی دەرەوە، پێشوازی لە گین یۆنیدا، بەرپرسی ئاژانسی نێودەوڵەتيی ژاپۆن-جایکا کرد.
بەرپرسی ئاژانسی نێودەوڵەتيی ژاپۆن–جایکا، پوختەیەکى لەسەر کارو چالاکى و بەرنامەکانیان پێشکەش بە بەرپرسى پەیوەندییەکانى دەرەوەى حکومەت کرد و تیشكى خستە سەر تەواوى پلانەکانیان لە داهاتوو.
سەفین دزەیی سوپاسی گین یۆنیداى بۆ هەوڵ و ماندووبونەکانی لەماوەی ڕابردوودا کرد، هیوای خواست کە هاوکاریيەکانیان بۆ هەرێمی کوردستان بەردەوام بێت، و پشتیوانيی تەواوی فەرمانگە و دامودەزگهکانی حکومەتی هەرێمی کوردستانى بۆ هاوکارى هەماهەنگى لەگەڵ ئاژانسى جایکاى ژاپۆنى و سەرخستنى بەرنامەکانیان لە هەرێمى کوردستان خستە ڕوو.