سهفين دزهيى: لە هەرێمى کوردستان زەمینەیەکى باش هەیە تاكوو کەرتى تایبەتى هۆڵەندى سەرمایەگوزارى تێدا بکات
![](/media/25237/424722832_959798978837350_6051203568710160520_n.jpg?anchor=center&mode=crop&width=1200&height=630&rnd=133528056080000000)
ڕۆژى یەکشەممە ١٨ى شوباتى ٢٠٢٤، سەفین دزەیی، بەرپرسى پەیوەندییەکانى دەرەوەى حکومەتى ههرێمى كوردستان، پێشوازى لە ياكو بيريندس، کونسوڵى گشتيی هۆڵەندا لە هەرێمى کوردستان کرد.
لە کۆبوونەوەکەدا پەیوەندییەکانى هەرێمى کوردستان و هۆڵەندا و برەودان بە بوارەکانى هاریکاریى نێوان هەردوولا، هاریکاریى کەرتى تایبەتى هۆڵەندى و هەرێمى کوردستان، بەتایبەتى لە بوارى کشتوکاڵ و بازرگانى تاوتوێ کرا.
سەفین دزەیی خواستى هەرێمى کوردستانى بۆ برەودان بە پەیوەندییەکان لەگەڵ هۆڵەندا دووپات کردەوە و ئاماژەى بەوە دا کە "لە هەرێمى کوردستان، دەرفەت و زەمینەیەکى باش هەیە کە دەکرێت کەرتى تایبەتى هۆڵەندى سەرمایەگوزارى تێدا بکات."
هەر لە کۆبوونەوەکە باس لە پرسە هەنووکەییەکان و ڕووداو و گۆڕانکارییەکانی ناوچەکە بە گشتی کرا. هەردوولا دووپاتیان لە پەیوەندییە دوولایەنەکان و گرنگیی فراوانکردن و پەرەپێدانی زیاترى ئەو بوارانەی کە جێگەی بایەخن کردهوه.