باڵیۆزی چیک لە عێراق سەردانی فەرمانگەی پەیوەندییەکانی دەرەوەی کرد
![](/media/27885/40fb9b25-d0cc-46d6-a076-dbfe7b6addac.jpeg?anchor=center&mode=crop&width=1200&height=630&rnd=133645872460000000)
ڕۆژی پێنجشەممە ٤ی تەمووزی ٢٠٢٤، پیتەر ستیپانیک، بە بۆنەی کۆتاییهاتنی ئەرکەکەی وەک باڵیۆزی وڵاتی چیک لە عێراق، سەردانی فەرمانگەی پەیوەندییەکانی دەرەوەی کرد و لەلایەن سەفین دزەیی، بەرپرسی فەرمانگەی پەیوەندییەکانی حکومەتی هەرێم پێشوازی لێ کرا.
لە کۆبوونەوەکە تاووتوێی دوایین پەرەسەندنەکان و دۆخی ناوچەکە بەگشتی و ئاستەنگ و لەمپەرەکانی بەردەم پەیوەندییەکانی نێوان هەولێر و بەغدا کرا. هەردوولا جەختیان لە پەرەپێدانی زیاتری پەیوەندییەکان لە بوارە جیاجیاکان کردەوە.
سەفین دزەیی ڕۆڵ و خزمەتەکانی باڵیۆزی چیکی لە عێراق بەرز نرخاند و هیوای سەرکەوتنی بۆ خواست.