سەفین دزەیی لەگەڵ بەرپرسی نوێی ئۆفیسی مافەکانی مرۆڤ کۆبووەوە
ڕۆژی پێنجشەممە ٩ـی ئایاری ٢٠٢٤، سەفین دزەیی، بەرپرسی فەرمانگەی پەیوەندییەکانى دەرەوە، لەگەڵ زەفیر ئود دین، بەرپرسی نوێی ئۆفیسی مافەکانی مرۆڤ/یونامى کۆبووەوە، و پیرۆزبایی لە ناوبراو کرد و هیوای سەرکەوتنی لە ئەرکەکەیدا بۆ خواست.
لە کۆبوونەوەکەدا بیروڕا لەبارەی هەماهەنگی و هاریکاریی نێوان هەردوولا ئاڵوگۆڕ کرا، تیشک خرایە سەر پابەندبوون بە پرەنسیپەکانى مافی مرۆڤ و پلانی کاری مافەکانی مرۆڤ لە هەرێمی کوردستان، کارکردنى بەردەوام بۆ ڕێگریکردن لە هەر پێشێلکارییەک.
سەفین دزەیی سوپاس و پێزانینی بۆ پشتگیریی بەردەوامی نووسینگەی مافی مرۆڤ لە هەرێمی کوردستان دەربڕی و جەختی لە خواستی هەرێمی کوردستان، بۆ برەودان بە هاریکاری و کارى هاوبەش لەگەڵ یونامی لە چوارچێوەی یاسا نێودەوڵەتییەکان کردەوە.
