کونسولى گشتيى تازەى تورکیا لە هەرێم دەست بەکار بوو
بەبۆنەى دەستبەکاربوونى وەک کونسوڵى گشتيى تازەى تورکیا لە هەرێم، ئەرمان تۆپچو بە یاوەرى شاندێک سەردانى فەرمانگەی پەیوەندییەکانی دەرەوەی کرد و لەلایەن سەفین موحسین دزەیی، بەرپرسی فەرمانگەوه پێشوازی لێ کرا.
دزەیی پیرۆزبایی لە کونسول کرد و هیوای سەرکەوتنى لە ئەرکەکانیدا بۆ خواست. هاوکات پاڵپشتیی تەواوی فەرمانگەى پەیوەندییەکانى دەرەوەى خستە ڕوو، بۆ پتەوکردنی زیاتری پەیوەندییە دووقۆڵییەکان و فراوانکرنی ئاڵوگۆڕی بازرگانی لە سوود و قازانجی هەردوولا.
ئه‌رمان تۆپچو خۆشحاڵيى خۆى نیشان دا، کە لە هەرێمى کوردستان دەست بەکار بووە و هیواى خواست بتوانن ئاستى پەیوەندییەکانى نێوان هەردوولا بگەیەننە قۆناغێکى پێشکەتووتر.
