بەرپرسی فه‌رمانگه‌ى پەیوەندییەکانى دەرەوە پێشوازی لە باڵیۆزى پۆڵه‌ندا لە عێراق کرد
ڕۆژی یەکشەممە ١٧ى تشرينى دووه‌مى ٢٠٢٤، سه‌فين موحسين دزه‌يى، پێشوازى له مارسین کوبیاک، باڵیۆزى پۆله‌ندا لە عێراق و جێگری کونسولی گشتيی پۆله‌ندا لە هەرێم كرد.
باڵیۆزى پۆله‌ندا پیرۆزبایی لە گەلی کوردستان کرد بە بۆنەی سەرکەوتنی هەڵبژاردنەکانى پەرلەمانی کوردستان و گوتی: وڵاتەکەی بەبایەخەوە سەیری ڕۆڵی هەرێم لە عێراق و ناوچەکە دەکات و خوازیارین پەیوەندیمان لەگەڵ هەرێمی کوردستان و تەواوی عێراق لە سەرجەم بوارەکان بچێتە قۆناغێکی پێشکەوتووتر.
دزەیی سوپاسى هەوڵ و ماندووبوونەکانى باڵیۆزى پۆله‌نداى کرد، کە لە ماوەی کارکردنی، بە هاوکاری لەگەڵ کونسولگەريی وڵاتەکەی لە هەرێم جەختی لەسه‌ر پێشخستنی پەیوەندییە دووقۆڵیيەکان لەگەڵ هەرێم دەکردەوە، و هیواى سەرکەوتنى لە ئەرکی داهاتووی بۆ خواست.
