بەرپرسی فەرمانگەی پەیوەندییەکانی دەرەوە سەردانی پارکی "دۆستایەتيی چین"ی کرد لە شاری هەولێر
بە مەبەستی بەدواداچوون بۆ هەنگاوەکانی دروستکردنی پارکی چینی، ئەمڕۆ سێشه‌ممه ٢٢ى نيسانى ٢٠٢٥، سەفین موحسین دزەیی، بەرپرسی فەرمانگەی پەیوەندییەکانی دەرەوە، بە ياه‌وه‌رى هەر یەک لە کونسولی گشتيی کۆماری چینی میللی و کونسولی بازرگانی و لیژنەی تایبەتی سەرپەرشتی پرۆژەکە، سەردانی پرۆژەی دروستکردنی پارکی (دۆستایەتيی چین)یان کرد.
پرۆژەکە بە هەماهەنگيی هەر یەک لە فەرمانگەی پەیوەندییەکانی دەرەوە و وەزارەتی شارەوانی و گەشت و گوزار و کونسولگەريی گشتيی کۆماری چینی میللی و ژمارەیەک لە کۆمپانیا چینیيه‌كان دروست دەکرێت و لە ماوەی دوو مانگی داهاتوودا کارەکانى تەواو دەبن و دەچێتە خزمەتی دانیشتووانی هەرێمی کوردستان.
