به‌رپرسى فه‌رمانگه‌ى په‌يوه‌ندييه‌كانى ده‌ره‌وه لەگەڵ باڵیۆزی کەنەدا لە عێراق کۆبووەوە
ڕۆژى یەکشەممە ١٢ـی کانوونی دووەمی ٢٠٢٥، کریستوفر بۆیم، باڵیۆزی کەنەدا لە عێراق، سەردانی فەرمانگەی پەیوەندییەکانی دەرەوەی کرد و لەلایەن سەفین موحسین دزەیی، بەرپرسی فەرمانگەوه پێشوازی لێ کرا.
سەرەتای دیدارەکە دزەیی پیرۆزبایی لە باڵیۆزی کەنەدا لە عێراق کرد بە بۆنەی دەستبەکاربوونی و هیوای سەرکەوتنی بۆ خواست و سوپاسی کەنەدای کرد بۆ هەوڵەکانی لە بەرەنگاربوونەوەی داعش. هه‌روه‌ها باسیان لە بارودۆخی بەردەوامی سوریا و گرنگی درێژەدان بە هاوپەیمانيی نێودەوڵەتيی دژی داعش کرد.
ڕەوشی سووریا و كاريگه‌رييه‌كانى لەسەر هەرێمی کوردستان و عێراق و پرسی پەنابەران، ته‌وه‌رێكى ديكه‌ى كۆبوونه‌وه‌كه بوو.