بەرپرسی پەیوەندییەکانی دەرەوە لە واشنتۆن لەگەڵ سیناتۆر کریس ڤان هۆلین کۆ بووەوە
ڕۆژی هەینی، ٢٥ی تەممووزی٢٠٢٥، سەفین موحسین دزەیی، بەرپرسی پەیوەندییەکانی دەرەوەی حکومەتی هەرێمی کوردستان، لەگەڵ سیناتۆر، کریس ڤان هۆلین، لە (پارتی دیموکراتەکان) کۆ بووەوە.
لە کۆبوونەوەکەدا، جەخت لە پتەوکردنی پەیوەندییەکانی ئەمریکا و هەرێمی کوردستان کرایەوە.
هەروەها، بابەتی نیگەرانییەکانی ئاسایشی ناوچەکە و دڵنیابوون لە بەردەوامی پشتگیرییەکان بۆ خەڵکی هەرێمی کوردستان دووپات کرایەوە.
شاندی هەرێمی کوردستان، سوپاس و پێزانینیان بۆ دۆستایەتی و پشتگیرییە بەردەوام و بەشدارییەکانی سیناتۆر کریس ڤان هۆلین هەبوو.