بەرپرسی پەیوەندییەکانی دەرەوه پێشوازی لە کونسولی گشتيی نوێی هیندستان لە هەرێمی کوردستان کرد
ڕۆژى دووشەممە ١٢ی ئایاری ٢٠٢٥، سەفین موحسین دزەیی، بەرپرسی فەرمانگەی پەیوەندییەکانی دەرەوه، پێشوازی لە بریجیش کۆمار، کونسولی گشتيی نوێی هیندستان لە هەرێمی کوردستان کرد.
دزەیی سوپاسی هاوکارییە بەردەوامەکانی کۆماری هیندی کرد و جەختی لە گرنگیی پەرەپێدانی زیاتری پەیوەندییەکان کردەوە، بە تایبەت لە بوارەکانی گەشەپێدان، پەروەردە و وەبەرهێنانی ئابووری.
كونسولى گشتيی هیند پابەندبوونی وڵاتەکەی بە قووڵکردنەوەی پەیوەندییەکان لەگەڵ هەرێمی کوردستان دووپات کردەوە و ئامادەیی خۆیشی بۆ برەودان بە هاریکارییەکان نیشان دا.
