سەرۆکی حکومەت پێشوازی لە شاندێکی کاکەیی دەکات

ئەمڕۆ چوارشەممە 12/13 مەسرور بارزانی، سەرۆکی حکومەتی هەرێمی کوردستان، پێشوازی لە کەسایەتیی ئایینی ناسراوی کاکەیی سەید ڕەحیم سەید عەزیم و شاندێکی یاوەری کرد.

لە دیدارەکەدا بارودۆخی خوشک و برایانی کاکەیی بە گشتی و لە ناوچە کوردستانییەکانی دەرەوەی ئیدارەی حکومەتی هەرێم بە تایبەتی تاوتوێ کرا و جەخت لە گرنگیی پاراستنی مافەکانی کاکەییەکان و پەرەپێدانی تەبایی و بەیەکەوەژیانی ئاشتییانەی نێوان گشت پێکهاتەکانی هەرێمی کوردستان و عێراق کرا.