لە ئەكادیمیای كوردی تاوتوێی یەكخستنی زاراوە یاساییەكان كرا
هەولێر، هەرێمی کوردستان (GOV.KRD)- ڕۆژی سێشەممە ٢٠ی ئەیلوولی ٢٠٢٢، د.ڕەشاد میران، جێگری سەرۆكی ئەكادیمیای كوردی لە تەلاری ئەكادیمیا پێشوازیكرد لە نوێنەرانی پەرلەمانی كوردستان، دەستەی دەستپاكی، ئەنجوومەنی دادوەری، ئەندامانی لێژنەی فەرهەنگی ئەكادیمیای كوردی. لە كۆبوونەوەكە دا تاوتوێی یەكخستنی زاراوە یاساییەكان كرا و لێژنەیەك پێكهات بۆ دانانی ( فەرهەنگی یاسایی كوردی).
