سەرۆکی دەستە لەگەڵ وەزیری کشتوکاڵی حکومەتی فیدراڵ کۆبووەوە
![](/media/27070/445674832_776731297976475_2571457708375640231_n.jpg?anchor=center&mode=crop&width=1200&height=630&rnd=133614797150000000)
ڕۆژی سێشەممە ٢٨ـی ئایار ٢٠٢٤، فەهمی بورهان، سەرۆکی دەستەی گشتیی ناوچە کوردستانییەکانی دەرەوەی ئیدارەی هەرێم، بە فەرمانی سەرۆکی ئەنجومەنی وەزیرانی حکومەتی هەرێم و بە سەرۆکایەتیی لیژنەی بەدواداچوونی بڕیاری ژمارە ٢٩ی ئەنجومەنی وەزیرانی حکومەتی فیدراڵ، گەیشتە بەغدا و لەگەڵ عباس جبر الحلیاوی، وەزیری کشتوکاڵی حکومەتی عێراقی فیدراڵ کۆبووەوە.
شاندی یاوەری پێکهاتبوون لە سامی جەلال، ڕاوێژکار لە وەزارەتی ناوخۆ و تاهیر عەبدوڵا، ڕاوێژکار لە فەرمانگەی هەماهەنگی و بەدواداچوون.
سەرەتای کۆبوونەوەکە بە خستنەڕووی کێشە هەنووکەییەکانی ناوچە کوردستانییەکان دەستی پێ کرد، بە تایبەت کێشەی گوندی پەلکانە و کێشەی جوتیارانی ئەم ناوچانە و زەوییە کشتوکاڵییەکان و ڕێگریکردنی جوتیاران لەلایەن سوپاوە، گفتوگۆی چڕی لەسەر کرا .
شایەنی باسە، وەفدەکە زنجیرەیەک کۆبوونەوە لەگەڵ لایەنە پەیوەندیدارەکانی حکومەتی فیدراڵ سەبارەت بە کێشە و گرفتەکانی زەوی کشتوکاڵی و کێشەی جوتیارانی ناوچە کوردستانییەکانی دەرەوەی ئیدارەی هەرێم ئەنجام دەدات.